বিয়ার সাধ মিটি গেছে

আমি কি করেছি বিয়া মাই প্রেম করিয়া,
তোমরানু আনিছলায় মাই ভালা পুরি চাইয়া,
এখন কেনে মারে মুরা মুখ ভেঙ্গাইয়া।
ভালা পুরি গেল মাইজি আমারে ফালাইয়া।। 

বিয়ার আগে কইছলায় মাই ইগু ভালা জাতর পুরি, 
পারে না মাতিতে কোননা ইগু ওলা ভালা পুরি,
এখন দেখি বিয়ার পরে মারে কুল্লাইয়া কুল্লাইয়া।
ভালা পুরি গেল মাইজি আমারে ফালাইয়া।। 

আরো কইছলায় ওগো মাইজি ভাবিছ না কোনতা,
একটা মাতর রাও মারে না চলে সোজা সাপতা,
এখন দেখি মাতর আগে মাতে পটপটাইয়া।
ভালা পুরি গেল মাইজি আমারে ফালাইয়া।। 

বিয়া করি বুঝসি মজা আবার নি কইমু,
ন্যাড়া মাথায় বেলর তলে আর না যাইমু
ভাস্কর বলে, বিয়া কইরা মরতাম না ফস্তাইয়া।
ভালা পুরি গেল মাইজি আমারে ফালাইয়া।।